الحماية من المطر

من أكتر الأمور اللي بتثير قلقنا كلنا في الأحوال الجوية الإستثنائية هي ازاي نحمي بيوتنا من مية المطرونقلل التلفيات بأكبر قدر ممكنعشان كده هنقولكم بعض النصايح المهمة اللي تساعدنا في الحفاظ على بيوتنا:

1.     لازم تتأكد من عدم انسداد البلاعات وعدم تجمع الميه وركودها في المداخل والسلم والبدروم والمناور واتأكد من تصريفها بشكل دائم عشان متتحولش لمستنقع رهيب هيخلى الميه تتسرب من خلال أي شقوق أو شروخات وتدخل جدران بيتك وتأثر على الاساسات اللى فيه

2.     عشان تمنع دخول المياه عندك فى البيت لازم تعزل الشبابيك عزل جيد واتأكد إنهم مقفولين بإحكام ومعزولين كويس ، ولو محتاجين أى اصلاحات حاول تعملها بقدر الامكان عشان تقلل من المياه والهواء البارد اللي ممكن يدخل البيت.

3.     لحظات حدوث البرق غالباً بينقطع التيار الكهربى عشان كده لازم نعمل كل الاحتياطات اللازمة أثناء نزول المطر فخلى بالك من إن كل اجهزتك المنزلية تكون بعيد عن الميه تماماً وفي حالة لو دخل بيتك ميه لازم تتأكد إن جميع البرايز والمفاتيح متغطية ومقفولة.

4.     افصل أي أجهزة غالية عندك زى التلفزيون والثلاجة والغسالة و التكييف والسخان إذا عرفت أثناء العاصفة الرعدية تجنباً لحدوث أي زيادة في أحمال الكهربا وحدوث ماس كهربائي أو تلفيات في الأجهزة .

5.     في حالة انقطاع الكهربا خلى لمبة واحدة بس هى اللى تكون مفتوحة عشان تبقى علامة لو الكهرباء رجعت تانى ، ولما الكهرباء ترجع متفتحش الاجهزة مباشرة لأن التيار الكهربى فى الوقت ده بياخد وقت لحد ما يستقر.

6.     ابعد تماماً عن انك تستخدم التليفون الارضي أثناء حدوث الرعد والبرق ، لأن الشحنة الكهربائية الموجودة فى البرق بتنتقل عبر أسلاك التليفون ، استخدم التليفون المحمول أو عدة تليفون بدون سلك.

7.     بالنسبة للحوائط في حالة دخل عندك كمية مية كتيرة حاول تجففها بسرعة لأن ممكن تتسرب على الحوائط من الجزء السفلى وهتمتصها الحوائط وممكن تعمل عفن ورطوبة.

8.     ولو دا حصل بالفعل يبقى دور على الاماكن اللى تكشف تلف الحوائط بسبب المطر زى أي تجليد خشبي بقى رطب لو خبطت عليه بايدك هتلاقى صوته واضح أو ورق حائط طلع من على الحيطة بسبب الرطوبة أو دهان يقع من الحيطة نفسها وتواصل مع فني متخصص عشان يحل لك المشكلة بعد كده.

9.     بالنسبة للأرضيات الباركيه جفف الارضية الخشب كويس والا هتتسرب الميه جواها وتتعرض للتلف ولو لقيت فيه بلل فى الخشب اعمل الخطوات دى عشان تقدر تجففه:

- امسح الميه الموجودة بفوطة جافة.

- فتح الابواب والشبابيك عشان تعمل أكبر قدر من التهوية.

- ولو المطر لسه مستمر وجه المراوح الموجودة عندك للأجزاء المبللة.

- أو لو عندك مزيل الرطوبة شغله فترة وخليه على أقصى طاقة.

 

وأخيراً لو بتواجه أي أعطال أو محتاج صيانة سواء كهربا أو سباكة

يبقى متترددش أنت بس قول جزر

 

وربنا هو الحافظ

تاريخ الاضافة: Mar 31, 2020